福祿壽健康素食

營業中

休息中

喺中環返工，每逢初一十五食晏意食咩都有啲頭痛。唔想去cafe食乾淨淨嘅sandwich，又唔想去食一條肉都冇但係貴過正常肉醬pasta嘅意粉，太傻豬。終於係同事介紹客去咗呢一間買外賣，一睇個價錢真係覺得超級抵！兩個餸$29，三個餸$32仲有湯送！餸菜都喺廚房度準備，唔會擺出嚟，所以感覺乾淨好多。外賣嘅嘢仲要全部熱辣辣好新鮮。今日我揀咗三個餸，真係對到成座山咁高，成個飯盒都滿晒！一個女仔食左三份一都已經覺得飽！所以其餘嘅我打包留喺今晚食，真係抵上加抵xd我揀咗羅漢齋、酸齋同埋花菇栗子炆蓮藕，酸齋夠晒開胃，羅漢齋味道唔會太濃，料好足，花菇栗子炆蓮藕夠晒口感。以後初一十五齋期唔使煩惱嚕！