影片
更多
2014-02-10
1615 瀏覽
年初二開年 ,難得屋企人都放假 ,就去開開年喇 ,咁岩大家口味都係 like 酸辣野 ,加上之前同屋企人講過 “ 薄荷葉泰國菜 “ 好好食 ,大家又想試 , 而咁岩新年期間都照常營業 ,真係擇日不如撞日去食個 lunch 先 .因為大家都係早起一族 ,12 點就係門口等 ,同平時既泰國 feel 完全唔同 ,今次轉左中國新年 feel .新既一年 , 連 menu 都轉埋 ,加插左圖片 , 可以睇到餸菜係點樣 .因為岩岩開工既關係 ,加上烹調時間 ,有些特別款式都冇供應 ,所以想食特別款式既朋友 ,就要選擇晚上去 .雖然係午餐 ,不過都要 beer 一beer ,同屋企人太多野講喇 ,加上食酸辣野 ,可以幫助一下清口氣味道 ,仲有青檸梳打 .第一碟上枱既係 “ 甜柚鮮蝦沙律 “ ,大家岩岩瞓醒冇耐 , 食個清淡沙律先 ,幫個胃 warm up 一下 ,柚子好甜 , 而鮮蝦就好新鮮同彈牙 ,再配上蔬菜 , 口感都唔錯 .之後就到 “ 泰式檸檬魚 “ ,祝大家生生猛猛 , 年年有餘 !姿勢好似游緊水咁 , 好生猛 ,蒸魚時間岩岩好 , 魚肉好滑 ,仲冇泥味 , 配上泰式醬 ,酸酸辣辣好開胃
難得屋企人都放假 ,
就去開開年喇 ,
咁岩大家口味都係 like 酸辣野 ,
加上之前同屋企人講過 “ 薄荷葉泰國菜 “ 好好食 ,
大家又想試 , 而咁岩新年期間都照常營業 ,
真係擇日不如撞日去食個 lunch 先 .
因為大家都係早起一族 ,
12 點就係門口等 ,
同平時既泰國 feel 完全唔同 ,
今次轉左中國新年 feel .
新既一年 , 連 menu 都轉埋 ,加插左圖片 , 可以睇到餸菜係點樣 .
因為岩岩開工既關係 ,加上烹調時間 ,
有些特別款式都冇供應 ,
所以想食特別款式既朋友 ,
就要選擇晚上去 .
雖然係午餐 ,
不過都要 beer 一beer ,
同屋企人太多野講喇 ,
加上食酸辣野 ,
可以幫助一下清口氣味道 ,
仲有青檸梳打 .
第一碟上枱既係 “ 甜柚鮮蝦沙律 “ ,大家岩岩瞓醒冇耐 , 食個清淡沙律先 ,
幫個胃 warm up 一下 ,
柚子好甜 , 而鮮蝦就好新鮮同彈牙 ,
再配上蔬菜 , 口感都唔錯 .
之後就到 “ 泰式檸檬魚 “ ,祝大家生生猛猛 , 年年有餘 !
姿勢好似游緊水咁 , 好生猛 ,
蒸魚時間岩岩好 , 魚肉好滑 ,
仲冇泥味 , 配上泰式醬 ,
酸酸辣辣好開胃 .
細佬特別 order 既 “ 冬蔭公湯 “ ,上枱時已經嗅到好香 ,
入口好鮮甜 , 唔太辣 ,
仲有好多湯料添 ,
唔好睇好似好細煲咁 ,
3 個人每人都有 1 碗 ,
而且細佬仲話飲過咁多間 ,
呢間最好味 , 大讚 !
正當大家回味緊個湯之際 ,新鮮熱辣既 “泰式燒蠔 “ 就到喇 ,
真係 “ 嘩 ” 左一聲 , 好大隻蠔丫 ,
原隻連殼上 , 一陣陣燒烤味道傳來 ,
首先唧左青檸汁先 , 之後第一啖食蠔部份 ,
好鮮甜同新鮮 , 仲熱辣辣出住煙 ,
咁大隻蠔 , 食落都會有小小飽感 ,
之後食有醬汁部份 , 口感即時唔同左 ,
酸酸辣辣 , 即時飽感冇左 ,
仲想食多隻添 , yummy !
“ 泰式少金邊粉 “ ,見到賣相 , 仲以為係蛋包飯 ,
旁邊有 4 種配料 , 撈埋一齊食就可以了 ,
真係好意頭 , 希望大家今年撈到盤滿砵滿 ,
金邊粉軟硬度岩岩好 , 食落感覺又唔太乾 ,
酸酸地又容易入口 ,
食完又唔會覺得太濟同油膩 ,
可能幫助一下消化 .
題外話/補充資料：
Overall, 每次都有唔同驚喜 ,
加上食物質數同水準都 keep到好好 ,
咁多款招牌菜 , 每款都各有特色 ,
帶出不同口味 , 真係好滿意丫 .
(以上食評乃用戶個人意見 , 並不代表OpenRice之觀點。)
張貼
