kikusan (已結業)

同朋友行銅鑼灣唔知食咩好，但又想食平d，朋友就帶左我黎hysan既kikusan。原本以為hysan除左food court之外食野應該好貴，再加上間餐廳裝修得好高檔（雖然最後坐門口面向商場同朋友並排坐），打開餐牌竟然有驚喜，打卡必點既kikusan roll都係68蚊；唔點酒類或者特飲，平平地點杯烏龍茶都係5蚊。今次同朋友食左kikusan roll同辣雞肉碎溫泉蛋飯。Kikusan roll有8件，每件既size比一般手卷細d，但上面既吞拿魚碎、海膽同三文魚籽分量相當慷慨，仲多過d飯，一啖一粒咁食好方便。食落d飯軟硬度適中，配埋入口就化開、油脂味幾香既吞拿魚碎同埋鮮甜既海膽，粒粒三文魚籽係口中爆開，幾種味融合埋一齊好和諧，成口都係海洋味xd，口感好好，68蚊真係好抵食至於辣雞肉碎溫泉蛋飯就相對失色，雞肉碎無咩雞味反而有d太鹹，似普通照燒汁味，肉質唔算滑，辣味完全黎自大概佔配料4分1既連核既辣椒碎，飯底係普通珍珠米，溫泉蛋不過不失，蛋白嫩滑，亦做到流心效果，但蛋香比辣味同鹹味蓋過，將碟飯撈匀之後唔太覺有蛋係飯裡面，唔同材料既味道亦未融合到。可能因為kikusan roll太高質，顯得