M3 Italian (已結業)

今日放假心情好, 自己一個人食個set lunch。呢間意大利餐廳評價唔錯, 一直未有機會黎食晚餐, 今次就機緣巧合之下過黎沙田食個lunch。話就話沙田, 但其實一d 都唔近市中心。位置比較偏僻, 搭地鐵要係沙田圍站落車。但估唔到呢間「屋村式」餐廳都有驚喜。香煎雞扒配紅酒汁 - 賣相ok, 不過份量有d 少, 男仔食可能未必夠飽。雞胸肉有dd 老同 “鞋口”, sauce嫌略淡(我係重口味派)。薯蓉好重牛油味, 好creamy。早左食午餐, 坐低之後陸陸續續就好多人。下次會試晚餐, 但我相信一定要訂座先得。晚市應該會幾full下。