沙拉姆咖喱屋

營業中

休息中

咁大個人都係第一次食印度菜，餐廳既店員係印度人，而且食物味道都有驚喜！成本餐牌好厚好多選擇，而因為二人餐最划算，所以我地叫左二人餐。🎈二人餐 $3281.春卷外皮炸得香脆，內裡係素菜，蘸上酸辣醬食，味道真係唔錯，推介！2.炭燒雞塊雞塊用上香料醃製，好香薑黃味，肉質唔乾，已經去骨，食落啖啖肉。3.印度脆餅係一種薄烤餅，食落咸香酥脆，胡椒味好濃，微辣，配有薄荷醬。🎈主菜🐔咖喱雞咖喱味道較辣，香料及黃薑味重。雞肉嫩滑無骨，薯仔非常入味🥔用嚟配蒜蓉烤餅食真係勁正❗️🥬蔬菜咖喱配料有車厘茄、紅蘿蔔、豆角、椰菜、磨菇等，哩個咖喱相對冇咁辣，味道微甜。🍚印度黃米飯黃米係一種比較長身嘅飯粒，飯粒分明，煙韌有口感。🫓蒜蓉烤餅烤餅表面好多蒜蓉，好香蒜蓉味，外酥內軟，煙煙靭靭，同咖喱真係天作之合❗️如果你嗌咗咖喱，一定要嗌烤餅❗️🥭芒果乳酪及🍌香蕉乳酪芒果乳酪芒果味突出，微酸好飲。香蕉乳酪香蕉味較淡，乳酪味較突出。兩杯飲品正好可以中和咖喱既辣味。🎈甜品：香米布丁布丁暖暖地，有啲似西米露，但較杰身，而且椰香味較重，味道較甜。整體黎講，第一次試印度菜既我真係覺得幾滿意，而且佢個二人餐都幾抵食，有興趣都可以試下。