+bread

營業中

休息中

睇過YouTuber 介紹太子區美食其中一項係麵包店當中試食左玫瑰益力多忌廉芝士比高包話好好食。作為一個麵包愛好者就咁被影響左，假日早上就去試下幫襯。小店陳列各類麵包都好美觀、當然價位唔算太親民對比同區其他民生麵包店。見到目標物-玫瑰益力多忌廉芝士比高包整齊地放係一個圓形膠盒內。小小一個價錢$36老實講我覺得小貴但因受YT大讚故此就比一個機會試下。結果真係同現實有出入。只有輕微玫瑰花味道益力多味唔太覺。麵糰算係有咬口但未到驚艷。而忌廉芝士只有出現係咬左三分一後位置但帶點乾身。食完只覺普通質素~CP值不太高。