Opa Mediterranean Bar and Bistro (已結業)

呢間餐廳喺尖東，主打希臘、地中海菜。粉藍加白色嘅招牌外觀幾吸睛，裏面環境都幾好，坐得幾舒服，仲有個打卡位。牛油蒜蓉大蝦$128蝦已經剝殼，啖啖肉，蝦肉爽口，配上惹味蒜蓉醬汁，加上青椒粒、黃椒粒、洋蔥等等爽口嘅蔬菜，微微辣好開胃。傳統希臘千層茄子$148希臘菜好少食，我哋就揀咗呢個傳統菜式，配料選了烤雞塊、煙肉。呢個菜式其實係茄子片同埋烤雞塊間隔着層層疊鋪滿小鍋，加上一啲豆蓉，香料同埋類似茄醬焗香，面頭再鋪上一啲芝士和煙肉片，味道香濃，惹味。Smoked Salmon Delight Pizza $158Pizza係薄脆的那一種，食完唔會太飽滯，材料主要有煙三文魚，一啲菇、菠菜同埋大量芝士。煙三文魚鹹鹹香香，配上菠菜芝士味道好香好夾，如果份量再多啲更好呢。Banana Meah $68呢個中文名叫香蕉麻糬，但係其實唔係真係麻薯，只係個樣有啲似台灣嗰隻鮮奶麻糬。其實係香蕉片、士多啤梨、藍莓、蛋白餅加上whipping cream撈埋一齊嘅甜品，呢個甜品充滿果香，再加上熱情果醬嘅清新香甜，作為飯後甜品好適合。