影片
更多
2021-07-21
746 瀏覽
女友人帶我嚟食師傅發板，感覺新鮮，而且每一樣都食得出師傅用心製作，高質。薄脆鱈魚乾我哋一坐低嘅時候店員就排隊上一份俾我哋，眼看是普通嘅魷魚絲，食落去香脆，有啲食平時薄脆豬肉紙嘅感覺，估唔到係咁香口。青魚北海道白玉粟米沙律青魚唔使講超級新鮮，我第一次生食粟米，呢個北海道白玉粟米真係超級甜仲好多汁，一試難忘。軟骨免治雞肉棒肉質軟林林，中間夾雜着一少量雞軟骨，增加左口感。點埋呢個生雞蛋，更加滑嘅感覺。店員介紹依個係走地雞嘅雞肉而且呢隻雞係飲礦泉水長大。淮山海雲酸酸甜甜，係一個好開胃嘅小食。磯燒鮑魚鮑魚唔會燒得過熟，大大隻嘅南非鮑魚。松葉蟹味噌甲羅燒超級多嘅蟹肉，用嚟點落嗰啲翠玉瓜，有中和嘅感覺，入邊有少少，紫蘇葉嘅味道。牛舌拖羅第一次食牛脷係咁爽口彈牙，佢淨係用咗牛脷中間嘅部份，嗰個部位最嫩滑，口感一流。白鰻串燒師傅話係先蒸熟後燒佢，上面加咗啲柚子皮。識落淡淡的柚子清香，配上師傅自家製嘅鰻魚汁，鰻魚香脆可口。豚肉粟米芯豚肉燒得好香，包住入邊嘅鹿兒島粟米芯，有爽脆嘅感覺，感覺好配合。牛肋骨條肉串甜甜地，牛肋條肉軟綿綿，唔會過熟，配埋上面嘅芥末醬汁，別有一番風味。昆布清湯米餅我都係第一次食依種清
薄脆鱈魚乾
我哋一坐低嘅時候店員就排隊上一份俾我哋，眼看是普通嘅魷魚絲，食落去香脆，有啲食平時薄脆豬肉紙嘅感覺，估唔到係咁香口。
青魚北海道白玉粟米沙律
青魚唔使講超級新鮮，我第一次生食粟米，呢個北海道白玉粟米真係超級甜仲好多汁，一試難忘。
軟骨免治雞肉棒
肉質軟林林，中間夾雜着一少量雞軟骨，增加左口感。點埋呢個生雞蛋，更加滑嘅感覺。店員介紹依個係走地雞嘅雞肉而且呢隻雞係飲礦泉水長大。
淮山海雲
酸酸甜甜，係一個好開胃嘅小食。
磯燒鮑魚
鮑魚唔會燒得過熟，大大隻嘅南非鮑魚。
松葉蟹味噌甲羅燒
超級多嘅蟹肉，用嚟點落嗰啲翠玉瓜，有中和嘅感覺，入邊有少少，紫蘇葉嘅味道。
牛舌拖羅
第一次食牛脷係咁爽口彈牙，佢淨係用咗牛脷中間嘅部份，嗰個部位最嫩滑，口感一流。
白鰻串燒
師傅話係先蒸熟後燒佢，上面加咗啲柚子皮。識落淡淡的柚子清香，配上師傅自家製嘅鰻魚汁，鰻魚香脆可口。
豚肉粟米芯
豚肉燒得好香，包住入邊嘅鹿兒島粟米芯，有爽脆嘅感覺，感覺好配合。
牛肋骨條肉串
甜甜地，牛肋條肉軟綿綿，唔會過熟，配埋上面嘅芥末醬汁，別有一番風味。
昆布清湯米餅
我都係第一次食依種清湯米餅，米餅識落有啲似飯焦嘅感覺，煙煙韌韌。湯底有昆布嘅青香味，加埋少少菇菌類，可以舒緩頭先食咗好多肉類嘅油膩感覺。
冧酒焦糖燒菠蘿
菠蘿上面有啲焦糖嘅感覺，好甜帶有少少酒香。
雲尼拿乳酪年糕
雲呢拿乳酪味道好濃郁，芝士年糕外面燒過有少少脆口，入邊有軟林林嘅芝士。
張貼
