影片
更多
2022-04-16
1898 瀏覽
見到呢間東歐菜餐廳有幫烏克蘭籌款，又未試過食東歐菜，所以weekend嚟試下。雖然上網book咗枱，但店員搵唔到我哋個booking，好在當時都仲有一張枱。餐牌上有前菜、沙律、湯、餃子、芝士麵包同主菜，選擇都算幾多。店員一直都喺水吧好忙，等咗一陣先得閒過嚟落單…首先上枱嘅係麵包，口感同味道都同平時嘅唔同，原來係黑麥酸種麵包。食落麥味濃，帶點微酸，口感比一般麵包實，搽豬油食幾特別。食東歐菜梗係要試下正宗羅宋湯Borscht紅菜頭湯入面有紅菜頭、椰菜同butter beans，差不多有半碗都係蔬菜，好足料，感覺幾健康飲落有紅菜頭嘅甜味，唔似得港式羅宋湯咁以酸味同蕃茄味為主。Cheeseboat似係一條船形嘅pizza，一上枱好香芝士味麵包表面脆皮，內裡非常軟熟。一邊切開個邊嘅麵包，一邊蘸中間嘅生蛋黃同芝士嚟食，除咗面頭嘅羊奶芝士，麵包中間都有芝士餡鍾意食芝士嘅一定要點呢個試下！Chicken Kiev係炸雞胸肉卷，以雞胸肉卷住香草牛油，表面沾滿麵包糠再炸。份量比想像中大，兩個人食就啱啱好。一切開雞胸肉卷，中間嘅香草牛油流出嚟，難怪一上枱就聞到勁香牛油味表面麵包糠炸得酥脆，雞胸肉非常嫩滑，而
餐牌上有前菜、沙律、湯、餃子、芝士麵包同主菜，選擇都算幾多。店員一直都喺水吧好忙，等咗一陣先得閒過嚟落單…
首先上枱嘅係麵包，口感同味道都同平時嘅唔同，原來係黑麥酸種麵包。食落麥味濃，帶點微酸，口感比一般麵包實，搽豬油食幾特別。
Borscht
131 瀏覽
0 讚好
0 留言
食東歐菜梗係要試下正宗羅宋湯Borscht紅菜頭湯入面有紅菜頭、椰菜同butter beans，差不多有半碗都係蔬菜，好足料，感覺幾健康飲落有紅菜頭嘅甜味，唔似得港式羅宋湯咁以酸味同蕃茄味為主。
Cheeseboat Original
104 瀏覽
0 讚好
0 留言
Cheeseboat似係一條船形嘅pizza，一上枱好香芝士味麵包表面脆皮，內裡非常軟熟。一邊切開個邊嘅麵包，一邊蘸中間嘅生蛋黃同芝士嚟食，除咗面頭嘅羊奶芝士，麵包中間都有芝士餡鍾意食芝士嘅一定要點呢個試下！
Chicken Kiev
117 瀏覽
1 讚好
0 留言
Chicken Kiev係炸雞胸肉卷，以雞胸肉卷住香草牛油，表面沾滿麵包糠再炸。份量比想像中大，兩個人食就啱啱好。
Chicken Kiev
90 瀏覽
0 讚好
0 留言
一切開雞胸肉卷，中間嘅香草牛油流出嚟，難怪一上枱就聞到勁香牛油味表面麵包糠炸得酥脆，雞胸肉非常嫩滑，而且仍然保留肉汁第一次食到咁好味嘅雞胸肉！配菜薯蓉細滑，就算我哋已經食到好飽都成碟清晒。
Honey cake
67 瀏覽
0 讚好
0 留言
甜品有Medovik honey cake蜜糖千層蛋糕，屬於喺香港比較罕見嘅蛋糕，今次終於有機會試到。蛋糕足足有十二層，以麵粉、牛油、雞蛋、蜜糖、糖整成薄薄餅皮，每層都抹上酸忌廉同忌廉。餅皮口感獨特，唔似蛋糕鬆軟，但又無曲奇咁實。蛋糕酸忌廉味道為主，帶點蜜糖香味
總括嚟講食物質素好高，大部份都好啱我哋口味，係好有驚喜嘅一餐
張貼
