大澳德發 (已結業)

上個星期萬聖節打算去中環玩，夜晚就過咗嚟銅鑼灣呢邊搵嘢食先，呢間中菜好似幾出名，香港都好難得有呢類型嘅菜式，所以同朋友都好有興趣試吓。入到去有種古色古香嘅風味，有保留港式同茶記嘅風格，幾特別環境乾淨坐得好舒服。食物選擇方面好多，有大量特色小菜，仲有好多優惠嘅晚市套餐，我哋揀咗幾個推薦菜！《椒鹽焗鮑魚四隻》$148見到呢度嘅椒鹽鮑魚都幾受歡迎，出到嚟比我想像中細隻，但勝在真係好味，椒鹽味好重，又夠香，鮑魚新鮮，好味！《金磚豆腐配花枝餅》$108呢個同樣都係推薦菜。一直都好鍾意食椒鹽豆腐，細細粒又嫩滑，食到停唔到口！加上呢個花枝餅真係非常好味😋好多花枝粒喺入面，用豬肉釀成煎得又香，推薦！《優惠孖寶D》$288呢個孖寶幾抵，有脆皮豬手同埋大澳海味雜菜煲，兩個都係受歡迎菜式，亦都係呢度嘅招牌菜。呢個脆皮豬手應該係我食過數一數二最好味，皮勁脆，豬手肉一啲都唔乾，識落仲有啲筋位感覺食咗好多膠原蛋白，好正！而海味雜菜煲勁多料，好多魚乾、魷魚，勁正！食滿$400有蟹送🥰加餸！全部菜都好高質好好味，呢餐真係好滿意。