百樂潮州酒樓 (已結業)

因父母都是福建人，我對廣東同廣東菜既傳統不太了解。尋晚男朋友提議食潮州菜，我極力反對因為我唔知潮州菜食咩。不過係佢游說之下，加上同佢父母一齊食，需遷就長輩口味，故決定試一試百樂潮州酒樓星期二晚不忙，不用等位，是晚入座大概4成。裝修靚亦頗具空間感。一行4人點了鹵水鵝肉拼鵝腸，石榴雞，蒜子咸菜煮白鱔，瑤柱扒豆苗，檸檬鴨湯，乾煎糖醋面。份量剛剛好食完。鹵味味道非常好鵝腸爽滑不肥膩，去肥功夫做得好。我鍾意少少肥既鵝腸，太肥會食得滿口油太膩。鵝肉也頗香，屬上佳之作。石榴雞和白鱔本來不是我喜歡既菜色。石榴雞加了莞茜，我咬左一口就放棄 (係我揀飲擇食不愛莞茜) 無法品評。白鱔卻煮得不錯，我食了許多(雖然咸菜我都不愛 )豆苗頗幼嫩，應該差不多當季，瑤柱調味得當，咸淡皆宜。糖醋面，等了40分鐘才上菜，千呼萬喚始出場，我是第一次食原來糖和醋是自己加，哈哈。一面脆一面淋，本來面餅帶微咸但加糖食我感覺不太習慣不過都算好味~ 新嘗試整體好評。服務周到，食物上佳，會再來