滬點 (已結業)

今日同老公灣仔買外賣回家陪媽媽 Lunch, 我要去鵝頸橋熟食街市買媽媽最愛車仔麵，無意間停車位發現間好中式紅大門，原來係食上海菜的滬點黎架，我就比多個驚喜媽媽買些回家，上海菜是媽媽喜愛之一，尤其上海粗炒，小籠包，老公就揀左蔥油餅，還有我選左食評推介嘅牛肉餅，落order完幾分鐘就有得取，快靚正。急不及待去北角接埋媽媽一齊回家，大約半小時內，食物還暖暖地，上海粗炒夠鑊氣，味道精粹保留到，濃郁惹味，小籠包皮薄餡靚湯汁香濃配埋薑絲醋，即時提鮮好好味。蔥油餅鬆化蔥香漂蕩又足料，無諗過外賣也食到這質素，個人推介係爆汁牛肉餅，皮薄餡滿滿一口咬落會爆汁，但奄尖的媽媽，她竟然開口話最好味，比九龍城清真牛肉餅還出色，最緊要她喜歡，想食上海菜又多個選擇啦！ 外賣整整齊齊，方便外帶，唔用發泡膠改用上環保紙盒，媽媽讚賞。好彩牛肉餅回到家已回暖，所以食時爆汁無燙傷，牛肉飽滿皮外脆內嫩，非常好味，如果係店內品賞要留意。