船皇 (厚福街) (已結業)

尖沙咀厚福街食肆林立，平時返工lunch或者約朋友食飯都經常會來呢一頭，主要係選擇多，好多餐廳經常都排晒長龍，而以船麵為主既船皇，之前經過嘅時候已經留意到，原來由來係泰國人好鍾意喺船上面食麵，所以一於試吓係咩一回事。店內裝修幾有泰式小店既feel。面底有四種選擇，仲有升級優惠加一蚊就可以升級和牛！聽落好抵。《船皇湯麵》$58望落最豐盛嘅一款！食泰國嘢梗係要揀金邊粉啦，煮得夠彈牙不錯。配料好多，而且湯底好濃味，類似肉骨茶既味道，掛湯後的金邊粉好好味😋，炸豬皮脆脆地，又香，唔夠喉。《雞翼加雞絲撈麵》$48個人更喜歡蛋麵，好爽口！撈麵汁同湯麵的味道差不多，味道剛好，唔會咸！《串燒沙嗲雞肉》$39整得好出色，沙嗲味夠香，完全滲晒入雞肉當中，亦有香烤既味道，推薦！以尖沙咀的地段來說，雖然只是麵食，但性價比比普通的米線店更高，價錢比較親民。