緬甸招牌湯米線 (已結業)

早兩晚約咗朋友去旺角飲嘢，見時間尚早，又有D肚餓，於是就試下呢間幾有特色的緬甸餐廳試下！店內環境都幾有亞洲風格，全部用木製傢私，感覺很像其他亞洲地區的小店，仲見到靚女老闆Agnes,在廚房位置準備食物。一打開menu, 招牌係魚湯米線，但平日午餐已經有好多機會食米線，晚餐就想試下D新嘢，所以我揀咗咖哩雞麵，另外再加多少少特色食品。小食方面，選擇唔算好多，但都有好幾樣嘢想試下，包括兩款特色沙律，茶葉沙律，同埋薑沙律，另外，蝦餅又係泰國菜必食之選，唔知緬甸蝦餅又有冇咁好味！講到味道，幾樣食物都算唔錯。咖哩雞煮得非常入味，香氣撲鼻；沙律我就揀咗茶葉沙律，味道好豐富；蝦餅雖然也不錯，但我個人就覺得泰式好味D！