葡匯咪走雞葡國餐廳 (已結業)

放工黎到尖沙咀食飯，經過朋友推介，決定黎試一試呢間葡國菜。餐廳位置唔算易搵，係美麗華商場2期一樓（商場門口極細XD）。7點到步，人流唔算多，但到8點左右就差唔多爆哂，位置十分舒適，坐位唔逼。餐牌有海量選擇，小至沙律前菜，大至黑毛豬，大虎蝦，非常誘惑而經過一番挑選，我地終於落好單。有好多款式都好似好好味，真係十分難揀！ 首先送到來的是兩人份量嘅傳統葡國拼盤。有多種唔同嘅小食例如香脆炸雞粒、葡國香腸同埋酥炸魷魚件等等……賣相十分好，而中間就有沙律醬可以沾，令味道更佳。我覺得葡國香腸幾特別，雖然有少量偏咸，但係肥瘦交夾味道唔錯！ 另外我地仲嗌咗蒜蓉包，望落去都唔錯。做出來金黃色，灑上了一些香料，咬落去好脆。不得一讚！冇幾耐主菜終於到了！大生虎蝦焗飯。見到面頭有好多三色椒同蒜蓉，七彩繽紛咁~ 而且重點啲蝦十分吸引，size夠大而且有幾多隻下。在味道方面，的飯滲入咗蝦嘅鮮味，食落去幾鮮甜。整體味道好好，不知不覺食咗好多！ 最後是紅酒炆牛尾。份量十分多，而賣相亦不錯。遠遠已經聞到好香。牛尾一入口，絕對經過慢火熅煮數小時，肉質鬆軟，牛肉味更被紅酒強烈帶出，真係要叫多幾碗白飯！