象泰 (已結業)

突然好想食芒果糯米飯，於是就第一次走入呢間象泰。.兩個人要左一個炒金邊粉、鳳爪、千層糕同埋芒果糯米飯。一坐低就送左兩杯水同兩碗湯，湯係蓮藕雞腳湯，不過不失無乜特別。.炒金邊粉食落好似茄汁炒金邊粉，配菜有蟹柳、蝦同埋蜆肉，配菜唔錯，但個粉就太重茄汁太油，整體感覺麻麻地。.然後鳳爪份量細，只有大約7隻小鳳爪，大部份都係菜，而且非常辣，辣到會苦會痛，岩哂無辣不歡嘅朋友，但就唔太啱我啦.到甜品方便，要左一個千層糕一個芒果糯米飯。千層糕賣相十分差，半溶狀態，好難夾起，但仍上枱比客人食，亦無味道，唔推薦大家食，十分失望。.芒果糯米飯亦同一般嘅賣相唔同，糯米飯係熱嘅芒果係凍嘅，椰汁變成好似忌廉咁，幸好食落口都係正常味道.整體嘢食都麻麻地，可以選擇其他更好食嘅泰菜，環境比人一種唔太衛生嘅感覺，最後埋單$193。