好好運快餐店 (已結業)

今日放假，下晝諗住去長沙灣睇戲，睇戲之前就去左試馳名全港既好好運沙爹牛！下午１點左右到，好彩一個人黎咋，因為一去到已經見到門外有長長既人龍。。好彩等左５分鐘就入得，老細好快手就即刻問埋食乜野～第一次黎到梗係食沙爹牛啦，可以配兩個餸，咁我就揀左炒蛋同火腿。第一次都係食ｄ簡單野試試佢先哈哈坐低等左幾分鐘就已經有得食！未食見到個湯底已經覺得好正，唔會好稀。食落果然係非常入味，而且唔會死咸，好濃郁！牛肉既份量都係唔少的，加埋兩個餸真係好夠飽！！但個人認為個炒蛋就熟左少少，不過$50一個餐包埋野飲就冇野可以彈啦～