初心冰室 (已結業)

同個friend行完金魚街，夜晚嚟咗依間西餐廳到食，又幾好喎。好在嗰日比較早食飯，如果唔係要等位嘅就係我哋。同朋友都帶咗dinner set，包左嘢飲，麵包，餐湯，主菜同埋小甜品。凍檸茶唔記得咗嗌少甜，好在呢度正常嘅凍檸茶都唔會太甜，剩係得糖水咁樣。個杯都幾特別，好少見用依種杯。麵包個麵包有幾盞鬼，本來以為係牛油餐包，點知唔係。本身又以為咁嘅樣，係啲西餅，點知又唔係。特別嘅係依塊麵包上邊嘅紅色，細細塊，原來係類似煙肉嘅東西，第一次係典型西式茶餐廳食到。雜菜湯典型嘅羅宋湯，正正常常。烤美國穀飼西冷扒配黑松露野菌汁我揀咗配意粉，五成熟。個扒都整得幾好，亦都符合五成熟。睇相嘅話就知道塊扒都幾靚仔，切開佢，見到有少少紅色但冇血水。旁邊都有啲椰菜花同西蘭花做伴碟，仲有一粒車厘咖。無論點汁食或者唔點汁食，都好味。甜品總結：喺太子地段來講，呢個價錢都算合理，仲要齊晒咁多嘢食，一定夠飽，其實本身仲想加蒜蓉田螺，但sold out，希望下次黎會有啦。