影片
更多
2019-05-27
2564 瀏覽
平時食牛多數都係食日本和牛，今次就食韓牛，為左食更好既韓牛，所以搵左呢間韓牛專門店。外面同內部裝潢非常韓式，店員都用韓文傾計，好有韓國風味。我地叫左個厚切韓牛燒烤套餐$988/2人全部都係用1++韓牛，小食同新鮮生菜係坐底後好快就上左，前菜：韓牛他他同蔬菜卷韓牛他他用既新鮮韓牛脂肪比率唔高，食落唔會好膩，配上梨絲同生雞蛋🥚，增加左牛肉絲既牛味，食落非常嫩滑，梨絲增加口感！蔬菜卷配上芥末醬，非常夾，清新之餘唔會有草青味。厚切韓牛燒烤拼盤：厚切肉眼扒、是日稀有部位（大理石）、牛腹兩側&燒烤佐料牛腹兩側（左）&大理石（右）呢度可以簡自己燒定店員幫手燒，由於怕自己燒會浪費左舊牛肉，所以選擇左叫店員幫手燒～厚切肉眼扒脂肪比例剛好，店員燒到一半就會拎上枱切開細細舊再燒店員非常快手，牛肉好快就燒完（前後唔夠三個字），上碟時仲擺得好靚仔，燒得剛好，唔會太熟，果然搵專業人士幫忙係岩既～厚切肉眼扒：份量非常多，勁香牛味，食落有少許咬口，肉汁豐富，油脂分佈都平均，燒得相當唔錯！將牛肉夾上生菜🥬、泡菜、洋蔥⋯⋯一齊食，非常可口，生菜非常甜美！是日稀有部位（大理石）切得比較薄，牛味非常特出，口感較軟且不韌不老，
外面同內部裝潢非常韓式，店員都用韓文傾計，好有韓國風味。
我地叫左個厚切韓牛燒烤套餐$988/2人
全部都係用1++韓牛，小食同新鮮生菜係坐底後好快就上左，前菜：韓牛他他同蔬菜卷
韓牛他他用既新鮮韓牛脂肪比率唔高，食落唔會好膩，配上梨絲同生雞蛋🥚，增加左牛肉絲既牛味，食落非常嫩滑，梨絲增加口感！蔬菜卷配上芥末醬，非常夾，清新之餘唔會有草青味。
厚切韓牛燒烤拼盤：厚切肉眼扒、是日稀有部位（大理石）、牛腹兩側&燒烤佐料
牛腹兩側（左）&大理石（右）
呢度可以簡自己燒定店員幫手燒，由於怕自己燒會浪費左舊牛肉，所以選擇左叫店員幫手燒～
厚切肉眼扒脂肪比例剛好，店員燒到一半就會拎上枱切開細細舊再燒
店員非常快手，牛肉好快就燒完（前後唔夠三個字），上碟時仲擺得好靚仔，燒得剛好，唔會太熟，果然搵專業人士幫忙係岩既～
厚切肉眼扒：份量非常多，勁香牛味，食落有少許咬口，肉汁豐富，油脂分佈都平均，燒得相當唔錯！
將牛肉夾上生菜🥬、泡菜、洋蔥⋯⋯一齊食，非常可口，生菜非常甜美！
是日稀有部位（大理石）切得比較薄，牛味非常特出，口感較軟且不韌不老，非常考驗店員燒烤既功力！不錯👍🏻
由於今日既牛肋條賣完了，所以店員轉左牛腹兩側肉比我地，牛腹兩側肉切得比較厚，燒完中間仲有少少紅，大概六七成熟，我真係好興幸叫左店員幫忙燒，因為店員既燒烤功力真係100分！牛腹兩側比較有咬口，牛味十足，真係樣樣牛都咁好味！
當我地食完牛肉時，店員就上蔬菜石鍋飯，上枱時石鍋仲熱騰騰，出曬煙咁吱吱聲，真係要小心熱鍋！
石鍋飯附上既韓式辣醬比較辣，可以先試味再按個人口味落不同分量，甜甜辣辣既醬汁，攪拌均勻到石鍋飯後，非常開胃！仲食到鍋底既飯焦添，正！
最後點品：泡芙同核桃，核桃脆卜卜，沾滿了砂糖，甜蜜滋味～非常好吃😋泡芙唔夠凍，可以再凍的就非常好了！
張貼
