影片
更多
2018-10-11
96 瀏覽
第一次嚟一樂食放題, 同友人嚟食早個場希望少啲人!先講講環境, 唔知係咪因為我地早到嘅關係, 真係有好多位! 職員安排咗我地坐卡位好舒適, 見到我地嗰邊附近其他唔係卡位嘅座位都幾好咁, 因為佢個椅背好似一個屏風咁, 就算同隔離枱近, 但私隱度都夠高, 可以同朋友好好傾計另外, 原來呢度order食物係要用WeChat, 好彩友人有咋如果唔係嘢食都嗌唔到.. lol 唔知係咪我outdated, 覺得香港好似唔多用WeChat落單?入番正題講番嘢食先! 第一時間梗係要嗌刺身啦, 全部都好鮮味, 擺得好精緻. 個人最推介係帶子刺身, 雖然切得偏細, 但口感一流另外, 食咗咁多樣最欣賞嘅係壽司同串燒!先講壽司, 有好多唔同嘅選擇, 當中encore咗幾次係佢嘅火炙系列, 尤其係 “火炙黑松露帆立貝壽司”同”火炙海鹽左口魚壽司”, 前者黑松露香得嚟唔會太濃蓋過晒帆立貝嘅味道, 後者嘅左口魚入口即溶, 諗起都想再食... 呢度好嘅係啲壽司整到係一口size, 可以試多幾款另外除咗一般嘅壽司之外, 仍仲有幾款特色壽司, 我諗係呢度特有. 一係整得好靚, 一係就用料特別而串燒最一食難忘就係燒牛舌同燒
先講講環境, 唔知係咪因為我地早到嘅關係, 真係有好多位! 職員安排咗我地坐卡位好舒適, 見到我地嗰邊附近其他唔係卡位嘅座位都幾好咁, 因為佢個椅背好似一個屏風咁, 就算同隔離枱近, 但私隱度都夠高, 可以同朋友好好傾計
另外, 原來呢度order食物係要用WeChat, 好彩友人有咋如果唔係嘢食都嗌唔到.. lol 唔知係咪我outdated, 覺得香港好似唔多用WeChat落單?
入番正題講番嘢食先!
第一時間梗係要嗌刺身啦, 全部都好鮮味, 擺得好精緻. 個人最推介係帶子刺身, 雖然切得偏細, 但口感一流
另外, 食咗咁多樣最欣賞嘅係壽司同串燒!
先講壽司, 有好多唔同嘅選擇, 當中encore咗幾次係佢嘅火炙系列, 尤其係 “火炙黑松露帆立貝壽司”同”火炙海鹽左口魚壽司”, 前者黑松露香得嚟唔會太濃蓋過晒帆立貝嘅味道, 後者嘅左口魚入口即溶, 諗起都想再食... 呢度好嘅係啲壽司整到係一口size, 可以試多幾款另外除咗一般嘅壽司之外, 仍仲有幾款特色壽司, 我諗係呢度特有. 一係整得好靚, 一係就用料特別
而串燒最一食難忘就係燒牛舌同燒翠玉瓜. 牛舌燒得啱啱好唔會韌, 翠玉瓜就燒完都好juicy, 食到好飽再食呢個都唔會好濟
食物除咗以上講嘅, 其實仲有好多其他選擇, 天婦羅, 熱食料理, 小食等等… 仲有一邊係好似buffet咁, 放咗好多熟食, 甜品任揀!
飲品方面除咗平時必有嘅汽水, 啤酒, 茶等等, 仲有一部鮮揸橙汁機, 可以望住佢揸橙都幾得意
另外甜品都幾特別, 有一般大牌子Haagen Dazs, 雀巢雪糕雪條之外, 最驚喜嘅係有啲東南亞口味雪條選擇: 榴槤, 椰子香芋, 紫米雪條, 仲有紫薯蛋糕, 真係比較少見! 令我捨棄咗Haagen Dazs試下呢啲新口味XD
最後, 值得一讚佢地嘅服務, 全程職員不斷幫手收碟, 上菜時又好friendly提你趁熱食, 服務一流!
張貼
