家家戶戶

營業中

休息中

平時好少食韓國嘢，前晚喺同事推介下就食咗一餐韓國料理。餐牌上嘅食物五花百門，有多款配搭嘅套餐組合，我地心大心細樣樣都想試，結果我地揀咗：📌韓式牛肉石頭飯套餐 $109套餐包含多款配菜，有泡菜、韭菜、韓式花生、腐皮、湯等。石頭飯一送上嚟會聽到鍋上嘅滋滋聲，將飯同餸喺鍋上攪拌，就會可以食到熱辣辣美味嘅牛肉石頭飯。同事仲特別鍾意石頭飯上香脆可口嘅飯焦。📌牛肉年糕湯套餐 $98呢碗牛肉年糕湯份量都幾大碗。韓式湯年糕煙煙韌韌，好有咬口感。湯底鮮美濃郁，配料豐富，有軟嫩嘅牛肉、蛋花同紫菜。食到咁上下，餐廳食客開始多，出面甚至要排隊了。放工後喺呢間環境舒服嘅韓式餐廳享受正宗韓國美食，非常滿足。