刕舙馫麵館 (已結業)

同唔少人一樣都係比呢個店嘅店名吸引，加上我又從未食過刀削麵，所以就叫左碗當午餐。我叫左個豬頸肉刀削麵，跟餐飲凍奶茶。豬頸肉刀削麵本來以為個湯底係麻辣湯，但原來呢間餐廳嘅做法係將D麻辣醬同個餸擺埋一齊，然後按自己喜好去加個辣度。對我呢D唔係太食得辣嘅人來講，呢個做法幾好。刀削麵口感唔係太軟，幾彈牙。豬頸肉嘅份量都幾多，每塊都炸得金黃，肉質都算幾嫩滑，亦都幾有咬口，撈埋個辣醬同蒜蓉來食，好好味！另外，我都加$10要多左個糖心蛋，蛋係滷水蛋，質感同味道都相當唔錯！