Arte by Padaria

營業中

休息中

今日去海港城行街，見到呢間好特別嘅甜品店，有各式各樣嘅曲奇，可頌球，蛋榚......賣相非常吸睛，就打算買黎試下。XO醬可頌球： 可頌球係全港首創，球形設計真係好特別，賣相精緻又吸引，有好多款味道，當中XO 醬可頌球算係最有特色，具有香港風味。可頌球外皮鬆脆煙韌、有少少似牛角包嘅酥皮，裡面包住香軟嘅瑪德蓮蛋糕同埋xo醬餡料，口感相當豐富，鹹甜交集，味道極有層次感。至於佢地嘅創意手工曲奇一共有八個味，每款都加入2至3種帶有不同口感的餡料，每款都 大特厚，足足有成9ᴄᴍ呀。開心果抺茶白朱古力曲奇：手工曲奇口感介乎曲奇與蛋糕之間，抹茶香味濃郁，唔會太甜，上面加左開心果同白朱古力醬，一試便立即愛上。