NUTTEA (旺角中心第一座) (已結業)

奶蓋熱潮持續，之前見好多人都推薦過nuttea，同埋每次經過都見到排隊，今次終於試到。其實個menu都有好多款茶飲種類，首選梗係先試試大熱嘅奶蓋茶。四季春堅果奶蓋$35個奶蓋好厚實，差唔多佔咗成杯茶嘅三分一，感覺好足料。朋友仔仲實測過拎一個鐘返到公司，個奶蓋係無沉到。奶蓋個質感其實更近似於蛋糕cream，同埋佢太厚啱開始都做唔到一啖飲奶蓋同茶。店舖都有提供到小剷子去食個奶蓋，但係街唔方便都無拎到。至於茶方面，就選擇咗半糖。茶底都比較普通，溝埋奶蓋飲，只會飲到奶蓋嘅味。如果係對茶比較有要求的話可能就唔推薦了。整體來講，個人比分4/10 。奶蓋算特別，但飽腹感太強，飲完已經係唔需要食正餐。奶蓋控有興趣可以一試，而本人比較中意清新少少的，可能就暫時不會再回購。