大澳德發 (已結業)

港島人有福喇！早前聽朋友介紹知道大澳德發嘅小菜好出色，今日收早就過黎試一試，一出地鐵站就見到大澳德發，非常方便。餐廳光猛，安排左卡位俾我地，坐得舒舒服服。有好多款餐廳推薦嘅大澳特色菜，最後我地兩個人嗌左三個餸+白飯，認真大食😂果皮古法籠仔蒸龍𧄌肉⭐️足足有6-7件大大件龍𧄌肉，再加魚腩邊，連同果皮、冬菇絲、豆腐一齊蒸！籠仔蒸出黎嘅龍𧄌好滑，食得出用料新鮮，其實我最鍾意係腩邊，好驚喜！招牌蝦醬蒸肉眼根✨初初仲怕肉眼根會好小，因為知道呢個部位嘅肉好珍貴，以前媽咪蒸都要去街市請肉檔幫忙留起，點知一上枱嚇親，份量好多之餘仲好香蝦醬味，原來大澳蝦醬就係有呢種威力！肉眼根好爽口，單單呢個小菜已經夠我清左成碗白飯，愈食愈開胃！正😋三弄脆皮咸豬手🐷原隻咸豬手，配埋黃芥末+沙律醬，食落好似食燒肉咁，皮夠脆，而且肉好結實，香口野就最得人鍾意！