影片
更多
2019-03-29
697 瀏覽
當晚同朋友係銅鑼灣預祝生日，食正餐前係附近見到有我想食好耐嘅小食店。食咗小食，自己又無帶水，自然會覺得有啲口乾。銅鑼灣一街都係滿滿嘅台式飲品店，自然唔怕無野飲啦。見到大名鼎鼎嘅老虎堂，開店不久已經掀起全城熱話。個個手捧一杯台式飲品打卡，已經成為指定動作。老實講，自己對珍珠奶茶乜乜乜並無太大興趣。但口渴時我都唔介意飲下，只係唔會狂迷至達人程度，飲得唔算多，實在未至於分辨得出咁多間台飲店嘅不同之處。難得當晚人少少，未至於大排長龍，抱住試下新野嘅心情，就去試試老虎堂特別之處。波霸鮮奶＄30飲品真係有掛杯嘅效果，不過就無想像中掛得咁靚。但係最重要都係飲品味道，賣相再好，味道唔夠好都會扣哂印象分。一飲落口，係飲到奶香同微溫熱嘅黑糖香。味道唔算太濃烈，但都幾夾。黑糖珍珠煙煙韌韌，可以食到少少依附係珍珠上嘅黑糖漿。解渴同解辣而言，呢杯都係唔錯嘅選擇。
食正餐前係附近見到有我想食好耐嘅小食店。
食咗小食，自己又無帶水，自然會覺得有啲口乾。
銅鑼灣一街都係滿滿嘅台式飲品店，自然唔怕無野飲啦。
見到大名鼎鼎嘅老虎堂，開店不久已經掀起全城熱話。
個個手捧一杯台式飲品打卡，已經成為指定動作。
老實講，自己對珍珠奶茶乜乜乜並無太大興趣。
但口渴時我都唔介意飲下，只係唔會狂迷至達人程度，
飲得唔算多，實在未至於分辨得出咁多間台飲店嘅不同之處。
難得當晚人少少，未至於大排長龍，
抱住試下新野嘅心情，就去試試老虎堂特別之處。
波霸鮮奶＄30
飲品真係有掛杯嘅效果，不過就無想像中掛得咁靚。
但係最重要都係飲品味道，賣相再好，味道唔夠好都會扣哂印象分。
一飲落口，係飲到奶香同微溫熱嘅黑糖香。
味道唔算太濃烈，但都幾夾。
黑糖珍珠煙煙韌韌，可以食到少少依附係珍珠上嘅黑糖漿。
解渴同解辣而言，呢杯都係唔錯嘅選擇。
張貼
