影片
更多
2023-05-31
393 瀏覽
聽同事講Paper Stone Bakery 嘅丹麥酥好好味，知道老公勁鍾意食，決定買啲返屋企俾佢試下。Paper Stone Bakery 嘅丹麥酥款式好多，有芒果丹麥酥、無花果雜莓丹麥酥、士多啤梨丹麥酥 、焦糖香蕉丹麥酥、炙燒菠蘿丹麥酥同奇異果丹麥酥。我買左芒果丹麥酥、士多啤梨丹麥酥、炙燒菠蘿丹麥酥同奇異果丹麥酥。丹麥酥一邊沾左朱古力醬，而另一邊就係原味，上面加入烘焙師自家製嘅忌廉吉士醬，頂層再鋪滿各式各樣嘅水果，賣相相當吸引，芒果同士多埤梨味食落非常鮮甜，炙燒菠蘿味有啖啖燒過嘅新鮮菠蘿味，奇異果亦好多汁，配埋酥脆芬芳，以及一半原味同一半朱古力味嘅丹麥酥，味道非常夾，亦帶出多重口感。一場黎到諗住順便買啲麵包第二朝做早餐，店舖嘅法包系列真係好值得試，麵包師選用多款法國食材去創造出多款法包，好似味道香濃嘅法國No. 1麵粉品牌Grands Moulins De Paris (GMP) T55 及T45麵粉，無添加任何色素同防腐劑，以全人手揉制及石窯式焗爐烘焙，製作時間長達28小時，今次揀左海鹽牛油法包同多穀海鹽法包，成品外脆內軟，鹹中帶甜，多穀海鹽味每啖都食到多穀種子，食落仲好有口感，
Paper Stone Bakery 嘅丹麥酥款式好多，有芒果丹麥酥、無花果雜莓丹麥酥、士多啤梨丹麥酥 、焦糖香蕉丹麥酥、炙燒菠蘿丹麥酥同奇異果丹麥酥。
我買左芒果丹麥酥、士多啤梨丹麥酥、炙燒菠蘿丹麥酥同奇異果丹麥酥。
丹麥酥一邊沾左朱古力醬，而另一邊就係原味，上面加入烘焙師自家製嘅忌廉吉士醬，頂層再鋪滿各式各樣嘅水果，賣相相當吸引，芒果同士多埤梨味食落非常鮮甜，炙燒菠蘿味有啖啖燒過嘅新鮮菠蘿味，奇異果亦好多汁，配埋酥脆芬芳，以及一半原味同一半朱古力味嘅丹麥酥，味道非常夾，亦帶出多重口感。
一場黎到諗住順便買啲麵包第二朝做早餐，店舖嘅法包系列真係好值得試，麵包師選用多款法國食材去創造出多款法包，好似味道香濃嘅法國No. 1麵粉品牌Grands Moulins De Paris (GMP) T55 及T45麵粉，無添加任何色素同防腐劑，以全人手揉制及石窯式焗爐烘焙，製作時間長達28小時，今次揀左海鹽牛油法包同多穀海鹽法包，成品外脆內軟，鹹中帶甜，多穀海鹽味每啖都食到多穀種子，食落仲好有口感，果然有驚喜。
張貼
