浪．麵 (已結業)

第一次幫襯此小店，今日有番茄輕醬油濃湯拉麵，一於試試。由於時間尚早（6:40）及是平日，唔使等位就入座。座位舒服唔迫狹。水是自助形式，水壼放門口，自己斟。落單至拉麵上枱時間為15分鐘，另加的$2/2雞翼竟然比拉麵更遲上枱。拉麵上枱，賣相一流，先試湯底，wow….番茄味好濃，冇比醬油味覆蓋，但又食到輕微的咸味。成兜野個配搭係好好好夾。我點了蕎麥拉麵，原來係幼身既，每啖麵都索滿湯，好正。隨之而來係雞翼，微微辣的，中規中矩，無乜特別。個麵絕對有下次。