影片
更多
2018-06-12
1597 瀏覽
早幾日師傅休息，一瞓醒覺後當然係要醫下個肚啦，左諗右諗都唔知食乜好，忽然間想起呢一間食店，加上師傅從不都未食過，成日都好想去試，就喺呢師決定去會一會佢。專登乘搭地鐵嚟到太子呢一區，都可算好有心去了。地點唔算難搵，但當日都算幾大雨，斷估唔到去到門口都仍然有條隊，喺冇辦法之下，唯有排隊等下，好彩條阿唔算好長，大約五分鐘到就已經可以入去柯打食物。其實喺排隊時已經諗定一陣要食乜嘢，雖然不過車仔麵來來去去都係嗰幾味，所以二話不說就叫咗米粉，等阿姐煮完米粉之後，就可以叫餸啦。師大一口氣叫咗幾種，有豬皮，豬紅，豬腸，魷魚同牛筋腩。叫完餸諗住可以攞埋位食，點知阿姐好貼心咁問要唔要咖哩汁，有咖哩汁辣辣哋當然好啦，師傅所以即刻同阿姐講要呀要呀要呀。。。。拿拿聲自己搵個位坐低即刻開餐，一如以往師傅第一啖一定係飲下個湯先，湯底味道唔算好濃，不過好好味，加油味精算少，配上少少咖哩汁，香香辣辣都唔錯。既然湯底都有番咁上下當然要試下啲餸喇。先講下豬紅，豬紅切得細細樽，入口煙煙韌韌，而且都炆得幾入味，又唔會碎濕濕，排算唔錯喎。至於豬皮就好普通，入口少少腍，唔夠爽口，所以係一般。再黎就係牛筋腩，師傅覺得呢個牛筋腩真係一
專登乘搭地鐵嚟到太子呢一區，都可算好有心去了。地點唔算難搵，但當日都算幾大雨，斷估唔到去到門口都仍然有條隊，喺冇辦法之下，唯有排隊等下，好彩條阿唔算好長，大約五分鐘到就已經可以入去柯打食物。
其實喺排隊時已經諗定一陣要食乜嘢，雖然不過車仔麵來來去去都係嗰幾味，所以二話不說就叫咗米粉，等阿姐煮完米粉之後，就可以叫餸啦。師大一口氣叫咗幾種，有豬皮，豬紅，豬腸，魷魚同牛筋腩。叫完餸諗住可以攞埋位食，點知阿姐好貼心咁問要唔要咖哩汁，有咖哩汁辣辣哋當然好啦，師傅所以即刻同阿姐講要呀要呀要呀。。。。
拿拿聲自己搵個位坐低即刻開餐，一如以往師傅第一啖一定係飲下個湯先，湯底味道唔算好濃，不過好好味，加油味精算少，配上少少咖哩汁，香香辣辣都唔錯。既然湯底都有番咁上下當然要試下啲餸喇。先講下豬紅，豬紅切得細細樽，入口煙煙韌韌，而且都炆得幾入味，又唔會碎濕濕，排算唔錯喎。至於豬皮就好普通，入口少少腍，唔夠爽口，所以係一般。再黎就係牛筋腩，師傅覺得呢個牛筋腩真係一絕，皆因入口軟腍，肥瘦又適中，啲牛筋比較黏口，嗰種感動冇得輸呀 ，必食之選。
至於豬腸，非常入味，加上腸身比較肥，絕唔韌，啱曬師傅口味，另一必食推介。最後輪到魷魚，本來師傅都冇諗住柯打，唔叫由自可，一叫就返唔到轉頭，原因係魷魚係一條原條嘅魷魚鬚，由頭到腳，成條比你食 ，份量之多可想而知，加上煮得夠爽口，非常之好味，貴係貴啲，十五蚊一條，但絕對超值。最後講埋個米粉，米粉本身冇特別，勝在煮得啱啱好，不會太腍或太硬，配上湯底，加埋咖哩汁再配少少辣椒醬，都非常惹味㗎同。
總括嚟講食物質素真係有水準，環境都算清潔乾淨，價錢非常相宜，咁樣食法都只係53蚊。今時今日車仔麵平均每個餸都要八至十蚊，53蚊食到啲咁嘅嘢，絕對抵。呢間食店師大肯定會再去，好可惜佢嘅辦公時間同師傅嘅辦公時間係一模一樣，再黎真真係要講下緣分，不過師父對於第一次去搵肥公，絕對收貨，希望肥公可以長做長有啦。
$53
115 瀏覽
0 讚好
0 留言
張貼
