回憶客棧

營業中

休息中

最近上網睇到飲食page介紹花粉甲好吸引，放假搵埋友人一齊去試試先。花甲粉有五款，配料可以揀蔥、芫茜嘅份量，辣度都可以揀。左邊係阿薩姆奶茶，飲落好甜。右邊係烏龍茶，無糖飲落清甜又健康。鐵鍋裝住嘅一包錫紙就係花甲粉，一打開就散發一陣蒸氣。花甲大概有八粒，食落爽口無沙夠乾淨，味道好鮮甜。花蟹將成隻切開三件煮，size大概有手掌咁大。蟹肉肉質結實，味道好新鮮清甜。基圍蝦有三隻，蝦肉鮮嫩爽脆。基本配料除咗蔥同芫茜外仲有金菇，煮得腍腍地啱啱好。粉絲吸咗花粉湯底嘅鮮甜味，食落好滋味！