影片
更多
2017-09-28
5614 瀏覽
原定上星期嚟觀塘，已揀好咗要嚟fish & chick plus開餐，後尾臨時取消咗，今個星期終於可以試到嘞！太耐無嚟觀塘，一直以為同apm連住果座building 就係亞太中心，點知原來果度係鱷魚恤大廈......真係大頭蝦！路痴真係麻煩！哈哈哈！幾經辛苦終於嚟到亞太中心，呢度成座大廈都係食肆，如果之後每個星期一都要嚟觀塘嘅話，我估真係可以續間續間試晒！到時真係不得了呀~~個肚腩！餐廳位於3/F，可以坐Lift又可以坐扶手電梯直接上嚟。原本喺open rice book咗7點半，但嚟到已經8點。員工都好nice 一樣幫我做返9折!平日夜晚只得2、3枱客，所以好快我哋就被安排坐餐廳角落嘅梳化位，啱啱好我哋兩個都可以坐到梳化位，闊落之餘仲有位放袋。餐廳裝修以海洋為主題，藍配黃嘅對比色特別鮮明，簡約casual嘅座位令人好舒服。牆身掛咗唔同魚種嘅圖畫，呢6款魚都可以揀嚟做fish n chips架！哈哈！右下角就係石頭魚~~好肉酸呀!炸魚薯條係一道源自英國嘅街頭小食，係英國嘅名物，英國人嘅生活都離唔開炸魚薯條。雖然歐洲、美國、澳洲、紐西蘭等地都有，但英國先係炸魚薯條嘅發源地。又講下歷史……
太耐無嚟觀塘，一直以為同apm連住果座building 就係亞太中心，點知原來果度係鱷魚恤大廈......真係大頭蝦！路痴真係麻煩！哈哈哈！
幾經辛苦終於嚟到亞太中心，呢度成座大廈都係食肆，如果之後每個星期一都要嚟觀塘嘅話，我估真係可以續間續間試晒！到時真係不得了呀~~個肚腩！
餐廳位於3/F，可以坐Lift又可以坐扶手電梯直接上嚟。原本喺open rice book咗7點半，但嚟到已經8點。員工都好nice 一樣幫我做返9折!平日夜晚只得2、3枱客，所以好快我哋就被安排坐餐廳角落嘅梳化位，啱啱好我哋兩個都可以坐到梳化位，闊落之餘仲有位放袋。餐廳裝修以海洋為主題，藍配黃嘅對比色特別鮮明，簡約casual嘅座位令人好舒服。
牆身掛咗唔同魚種嘅圖畫，呢6款魚都可以揀嚟做fish n chips架！哈哈！右下角就係石頭魚~~好肉酸呀!
炸魚薯條係一道源自英國嘅街頭小食，係英國嘅名物，英國人嘅生活都離唔開炸魚薯條。雖然歐洲、美國、澳洲、紐西蘭等地都有，但英國先係炸魚薯條嘅發源地。又講下歷史……起初係由定居喺英國嘅西班牙猶太人將炸魚引入英國，後來變咗公認嘅經典魚肉料理！由1860年倫敦出現咗第一間炸魚薯條店之後，大大細細嘅專門店開到成行成市，每一間都標榜有自己嘅特門配方!最勁嘅係炸魚薯條喺第二次世界大戰期間，無受到配給限制，幾咁威威!今日食呢個套餐當中包括咗頭盤沙律、餐湯、小食、主菜、意粉同飲品，份量雖然睇落唔算多，但足夠食飽我哋兩個！
炸鮮蘑菇沙律蘑菇新鮮炸起，脆漿夠薄，咬落juicy！沙律略嫌唔夠新鮮，菜唔夠爽，有d菜仲生晒鏽，好壞參半！
22 瀏覽
0 讚好
0 留言
15 瀏覽
0 讚好
0 留言
19 瀏覽
0 讚好
0 留言
我係愛食粟米之人，所以見到粟米湯即刻order咗，粟米湯望落好杰身，上面仲有d忌廉，攪混入口發現好多粟米茸，唔係一般嘅罐頭湯，好有口感。
另一個係魚湯，望落似雜菜湯有幾粒甘筍同西芹，飲落同雜菜湯有d分別，但講唔出係乜味，唔知係咪就係魚味！(因為我唔好魚湯，我只係試咗一啖，但男友飲晒成碗都唔知係乜味！)
12 瀏覽
0 讚好
0 留言
我係海鮮怪緊係揀海鮮做小食，呢個要另外加30蚊，加錢唔緊要最緊要好味！
蜆雖然細粒但d肉鮮甜飽滿，用鐵pan原鍋上枱保持熱辣辣，略為偏鹹咗少少，但入面嘅蒜片好好味！感覺有d似葡國菜果款白酒煮蜆。
16 瀏覽
0 讚好
0 留言
今晚嘅主角炸魚薯條，原本套餐係紐西蘭藍鱈魚，但我哋加咗45蚊改做矜貴嘅石頭魚！上面插住支旗仔寫住“MONK”就係代表佢係石頭魚~~
石頭魚又稱毒鮋，外貌醜怪而且背鰭上有毒刺，被佢吉中皮膚會發黑人會發高燒，嚴重可致命，被列為「世界十大毒王」第四位。主要分佈喺西沙群島、 台灣、紅海、印度洋非洲南岸至太平洋中部。一般身長只有30cm左右，鍾意呢喺海底或岩礁下面，唔容易捉。佢好似舊唔起眼嘅石頭，唔郁你跟本睇佢唔到！
講返炸魚薯條先，由於外國大多近海，魚獲豐富，所以多數用新鮮魚，去骨後沾上炸漿就炸，但我香港肯肯定係急凍魚柳，無論係鱈魚、龍脷定石頭魚。不過今次係我第一次食石頭魚，魚肉都尚算juicy唔乾身又唔鯹，但略嫌魚肉唔夠厚身肉質有d削，切落去有少少散。
炸漿方面，係最傳統嘅做法加入啤酒，啤酒有酒精&二氧化碳，會令脆漿特別脆同會脹起，入口就卜卜脆，而且入面都無積晒油，唔會食到好油膩，做得唔錯！
英式薯條一定要粗身先合格，所以英國人叫薯條做chips而唔係fries！薯條外面香脆內軟腍，加少少鹽已經好好味！不過我係蕃汁怪，所以都係小朋友食法!
11 瀏覽
0 讚好
0 留言
13 瀏覽
0 讚好
0 留言
9 瀏覽
0 讚好
0 留言
橄欖油炒香蒜片辣椒扁意粉
order 呢個意粉時，侍應會問你揀長通粉定扁意粉，一定一定一定要揀扁意粉，重要嘅嘢要講三次！因為呢度嘅扁意粉係較幼身，軟硬適中，煙煙韌韌，蒜片用橄欖油炒到金黃色，配埋辣椒、蕃茜碎同意粉，簡單又好味!
13 瀏覽
0 讚好
0 留言
檸檬紅茶
無特別!
20 瀏覽
0 讚好
0 留言
張貼
