Nomads (已結業)

之前同朋友經過尖沙咀 見到呢間餐廳裝修好特別 跟住一睇餐牌原來係食蒙古餐 所以就決定試一試呢個咁特別嘅菜式😛😛我哋晏晝嚟食所以有set lunch 選擇都好多 同埋係半自助 可以選一款主菜 再架出面嘅沙律吧 一定夠飽😋原本以為淨係得羊肉 但望一望Menu有羊 牛同雞 我哋嗌咗一個牛面頰蒙古香噴噴火焰烤肉串燒 同雞肉西藏醬汁燴肉鍋😋係等緊主菜上菜前 我哋拎咗啲小食同沙律 種類都唔少 連好少見嘅羽衣甘藍都有 蔬果類都新鮮乾淨😋主食方面 串燒嘅擺設好特別 有一個架掛對住啲肉 牛面頰嘅肉質好嫩 食落好juicy 而且燒得好入味！燴肉鍋跟餐有薄餅同飯 薄餅點住醬汁食好夾 雖然望落好似好辣 但食落剛剛好 同埋加咗南瓜一齊煮 醬汁都好甜！雞肉亦唔會乾 而且份量好多🤣 跟餐亦有野飲同甜品 甜品係西瓜加西式既moose cake 同cheese cake 唔會太甜 唔錯😋