Chico Chica (已結業)

自從一四年港鐵港島西延綫通車之後，西營盤呢個舊區漸漸成為一個新嘅蘇豪區，咩國家嘅菜都會有，今次就決定試下西班牙菜！呢間西班牙餐廳叫Chico Chica，食之前要頂位，因為餐廳座位有限呀。一入到去，暗光暗暗的，好有feel，餐廳仲用瓷磚做㗎，好得意！先叫一杯cucumbine，係用青瓜、薄荷同斐濟果整成，味道淡淡的，好清新！之後係黑毛豬火腿火箭菜沙律，火腿有鹹香味，配上火箭菜一齊食，唔會好膩！而火腿入面有水牛芝士，口感好好！下一個係是日精選，炸蠔天婦羅，用咗法國嘅蠔嚟做天婦羅，好特別，個蠔極為鮮甜，炸粉好薄，值得一試！沙甸魚平時就好少食，今次就試下個炸沙甸魚，外脆內軟，連入面嘅細骨都可以食埋，好有鈣呀！一啖一個，好方便。下一個就係燒豬肋骨，豬肋骨燒到香噴噴，食個陣甜甜地，夠哂惹味！西班牙菜又點少得辣肉腸，呢個辣肉腸配上豆蓉，好新穎，又幾夾，哈哈！吃飽飽就埋單啦，個蒸籠仔好得意呀！間唔中食下其他國家嘅菜都幾好！