新越越式料理 (已搬遷) 新店位置

尋日揸車去九龍城攞嘢比朋友，途經福佬村道，見對面有停車場，咪泊低㗎車塭嘢食先。見到對面有間越南菜，老友話想食，咁就入去試下。入到去，高樓底，環境相當清雅，兩條麻甩佬二話不説，你知喇，男人老狗，最怕就係諗食乜，就叫個價值HK$278既二人餐啦。上菜時間都幾快，啱哂我呢啲無耐性既人。先來一個雞絲椰菜沙律。一睇，嘩，咁大碟既？食落口又唔錯，爽口開胃。兩杯飲品唔會過甜，啱哂我呢啲大肥佬。跟住再上火車頭湯河，用料足唔在講，湯底更加係一絶，飲落口，無半點味精感覺，而馬拉盞炒菜，熱辣辣，爽甜，又係一絶。到主菜上場，蒜蓉牛油焗大頭蝦，蝦肉一食落口，就知大㕑既功力有反咁上下，口感一流，配上特製蒜蓉，搞到我想叫多隻黎食。最後上埋甜品香蕉批，坦白講，真係好食到唔捨得走。