Iberians (已結業)

尖沙咀呢有好多特色嘅西餐廳，今日就去咗喺火車站附近新文華中心入面既Iberian 。西班牙蕃茄凍湯我哋去嘅時候係八月，天氣都幾熱，喺餐牌見到有凍湯就試下佢。凍湯入邊係蕃茄嚟嘅，做到入口嘅時候就酸酸地，但飲落就反而覺得佢甜甜地。西班牙章魚墨汁燉飯，個飯熱辣辣咁喺個鍋上邊，每一粒都係沾滿墨汁，粒粒飯都有墨汁嘅鹹香，上邊仲有啲章魚，粒粒都好爽口。香辣蕃茄海鮮意大利粉呢個菜式係好多西餐廳都有，但係今次真係要特別讚下佢，個意粉煮得好好食，調味啱啱好，真係做到又香又辣又惹味，每一嚿每一條意大利粉都充滿蕃茄醬，上邊有蝦，仲有青口，啲海鮮都處理得好好，係爽口彈牙嘅。如果食西餐食厭咗意大利菜，就可以試吓呢間西班牙餐廳，都幾岩香港人口味。