影片
更多
2017-05-04
2241 瀏覽
慶祝小妹搵到新工決定辣一辣～ 雖然唔係無辣不歡，但對麻辣火鍋絕對係來者不拒 而且呢間火鍋店係大陸好‘火’， 之前北上係深圳都食過一次，味道和辣度都相當不錯 （當然大陸版價廉得多，是否物美不敢肯定），所以去呢間CWB分店前都好期待！入到去見裝修唔錯，鋪面唔大但空間感不錯，可以坐得舒服。冷氣亦十分充足， 唔怕食到成身汗！例牌叫了個鴛鴦鍋，淨煲底都＄218啦，得三數塊粟米，清湯底入面有大大豬骨，感覺好似真係由呢舊大豬骨熬出黎咁，辣底有無數辣椒乾／花椒／大蒽，越食越麻越辣 加上熱氣騰騰，我要噴火啦！（利申：平時食譚仔食小辣﹣中辣）滑牛肉：用左頗多’茨‘，想製造滑嘟嘟既口感... 小妹覺得一般般，都係加多D錢叫番肥牛好過。牛骨髓：無乜味，純粹想食佢既口感蝦滑：推介！幾好味，料都幾足。加入去辣底真係好鬼正因為吸晒D辣～迷你燕餃：都推介！雖然餃既餡好少（因為好迷你），燕皮幾滑幾好味，當然都係因為煮左辣底～萵筍塊：幾甜，新鮮。秋葵：個人喜好， 覺得好似食左佢就會健康D 減低罪疚感xD鯇魚片：望落好似好薄切得好靚，碌三四下就食得，但魚刺太多，更切斷左隱藏係魚肉度，要食得好小心...肉質一般。紅薯粉：好味
例牌叫了個鴛鴦鍋，淨煲底都＄218啦，得三數塊粟米，清湯底入面有大大豬骨，感覺好似真係由呢舊大豬骨熬出黎咁，辣底有無數辣椒乾／花椒／大蒽，越食越麻越辣 加上熱氣騰騰，我要噴火啦！（利申：平時食譚仔食小辣﹣中辣）
滑牛肉：用左頗多’茨‘，想製造滑嘟嘟既口感... 小妹覺得一般般，都係加多D錢叫番肥牛好過。
牛骨髓：無乜味，純粹想食佢既口感
蝦滑：推介！幾好味，料都幾足。加入去辣底真係好鬼正因為吸晒D辣～
迷你燕餃：都推介！雖然餃既餡好少（因為好迷你），燕皮幾滑幾好味，當然都係因為煮左辣底～
萵筍塊：幾甜，新鮮。
秋葵：個人喜好， 覺得好似食左佢就會健康D 減低罪疚感xD
鯇魚片：望落好似好薄切得好靚，碌三四下就食得，但魚刺太多，更切斷左隱藏係魚肉度，要食得好小心...肉質一般。
紅薯粉：好味～煮耐左都無痴底，好煙軔～
山渣飲品：類似酸梅湯，可以消消滯。
Overall份量偏少，不過都有好處既就係人少少可以叫多幾款食，但都要顧住個荷包喎。同埋如此紅油真係唔知邊度黎，間唔中試下好啦。食完全身都係‘邊爐味’， 唔知有無人發明一樣噴完會無晒油味既噴霧呢？
鴛鴦鍋
104 瀏覽
1 讚好
0 留言
張貼
