雲來軒 (已結業)

電視都市閒情節目裏面，教烹飪環節既其中一位廚師保哥經常在節目中示範唔同既新派菜式，菜式精緻，賣相非常靚，一直都好想試下，網上見佢在尖沙咀棉登徑有間私房菜餐廳，就上網搜尋，原來要先訂位，今日老公放假，我就訂咗位，同佢試下名廚設計既菜式。餐廳門口有密麻麻的保哥同來過佢間私房菜品嚐既明星合照。餐廳偏中式設計，環境幽雅，侍應有禮地為我地安排座位同開茶。我地見餐廳有份私房午宴，一位💰98,免茶免芥免加一，有齊燉湯、前菜、小菜、點心、特色粉麵飯同糖水，兩位先係💰196，梗係叫啦🤭前菜係蔴醬茄子，第一次試，點點和風味，原來茄子配蔴醬都幾好食😋椰子燉烏雞，燉湯好鲜甜，仲有陳皮絲，最配合依家乾燥天氣，夠滋補😋點心有蝦餃，潮州粉果同春卷，蝦餃同潮州粉果皮薄，飽滿，春卷有芋泥，炸得香脆，唔油膩，三款都好棒👍🏻小菜五彩炒北寄貝，北寄貝鮮甜，木耳爽口，配菜火喉剛剛好，唔會過熟😋炒飯有松子仁，肉崧同芥蘭芯，炒飯乾身，唔油，入口有種清香感覺，問咗部長，原來係加咗柑桔蓉，所以清新香口，仲詢問我地對菜式的意見，態度親切👍🏻,老公食到唔停得口😂糖水係蕃薯糖水，加咗薑汁，呢餐午餐，由燉湯、小菜、點心、炒飯以至糖水，每款都好