莆田 (美麗華廣場2期) (已結業)

幾年前食過一次莆田，記得係特色嘅福建菜，呢晚經過見到門口display蟶霸，友人就話想食～見到menu有8種蟶子煮法，我就揀咗銷量冠軍嘅鐵板鹽焗蟶子，友人想試薑蔥炒蟶子。鐵板鹽焗蟶子，冇太多調味，反而鮮味突出，以為焗完會好乾，點知蟶子肉依然肥美juicy！薑蔥炒蟶子，薑蔥香味適中，唔會蓋過蟶子原有鮮味～冰浸苦瓜，係我上次食過今次要encore嘅前菜，冰冰涼涼又爽口，配上蜂蜜夠清新～扁肉湯，以為會好細碗，點知相反😯湯底淡淡紫菜香，豬肉餃子有口感～LIKE荔枝咕嚕肉，同平時嘅咕嚕肉一樣，不過菠蘿變成荔枝，荔枝甜甜的又同咕嚕肉幾夾，加上咕嚕肉質彈牙，炸漿薄脆～最後友人堅持想試興化炒米粉，米粉質地幼細入味，配料平凡但味道驚喜！