銘興山西刀削麵 (和豐行)

營業中

休息中

以前食開荃灣既刀削麵，一直都想搵下其他鋪頭試，無意間發現銘興旺角店，原來係新開。去到既時候都有好多人等緊位同外賣，好在我地兩個人都唔算等太耐。鋪頭入面感覺都好光猛同乾淨。 我地叫左兩個麵餐同一個小食，好滿足，哈哈。 🤣🤣醉雞刀削麵 $60 包熱飲碟雞黎既時候真係嚇一跳，勁多呀，應該真係有份例牌咁大碟。雞都有酒香，又唔算太肥，都ok滑呀。另外仲有隻雞蛋，反而雞蛋就真係無乜味道。 湯底好正，幾鐘意個麵唔會太硬🥰另一個係麻辣手撕雞刀削麵 $48 包熱飲雞撕又係勁多,麻辣夠香唔夠麻 涼拌皮蛋 每粒皮蛋都沾有麻辣，食得爽 最最最開心既係有酸蘿蔔任加，而家講起又想去食多碗喇🥺