三姐廚房私房菜 (已結業)

一直想試私房菜菜式, 所以約左一大班朋友去試下呢間位於觀塘工廈入面嘅三姐廚房私房菜。門面都頗有中式意境, 裝修唔錯。去到咁啱有人等位排隊入座, 等等下我地仲在門口撞到馬國明添哈哈!內房用小掛牌分隔唔同嘅房仔, 所以唔好咁大聲講野, 會嘈住隔離架  最特別是有"三姐廚房私房菜"嘅牌仔, 幾靚。  由於是私房菜嘅關係, 我地都是果晚先知有咩菜式。 前菜就有茶燻流心蛋伴黑魚子醬配厚切茄子, 呢個與其話是流心蛋, 我覺得話是溏心蛋會更為貼切。 同埋佢用茶葉蛋黎做, 所以成隻蛋好香。 再配埋下面嘅茄子一啖啪入口, 好正! 睇得出比好多心機落去整! 呢個是原盅燉金桃螺頭赤肉湯, 味道好濃, 飲得出冇落味精, 是一盅好好飲嘅老火湯, 螺頭都唔韌, 正! 之後是嬉水芙蓉, 呢個就咁睇個名應該估唔到咩黎。 其實就是帶子蒸蛋白, 蛋白好滑, 而帶子都好爽口。 再伴有淡淡芒果汁同杞子, 好清新!鮮魚湯浸溫室菜苗, 個菜唔知是咪有機嘅關係, 我覺得有啲青 不過反而我就好欣賞個湯底, 好濃魚湯味, 幾好!農坊獨頭糖心黑蒜炒飯, 最後仲有呢個炒飯。 好特別, 未試過用黑蒜黎做炒飯, 食落甜甜地, 應該是特別