兩姊妹涼皮有限公司 (柏樹街) (已搬遷) 新店位置

天氣開始熱，想食啲涼浸浸、開胃惹味嘅嘢，涼皮係不二之選。今次試下4月頭新推出嘅蒟蒻皮，質地一樣爽滑，蒟蒻皮碳水化合物低好多，食完無罪惡感。蒟蒻皮價錢比一般皮貴少少，$36，一般皮就$29。因為唔食得辣，叫咗微辣，唔食得辣嘅我覺得ok, 下次可以試小辣。配料本身有芫荽，青瓜，另加錢$10 叫咗雞絲。撈涼皮嘅汁都好好味，食完忍唔住飲咗兩啖。份量方面不多不少，啱啱好，如果仲未夠飽的話，就可以食埋冰粉，十分滿足。