鉄人大盛 (已結業)

平時食日式放題就食得多，今次同朋友試依間用鐵板燒做賣點嘅日式放題。依度環境同其他放題有d唔同，座位係圍住鐵板燒而坐，而每一個鐵板燒師傅主要負責某幾款燒物，即叫即製，可以一路睇住師傅煮，一路食，係味覺同視覺嘅享受。我地先點刺身，有好多款刺身選擇，我地就每樣都叫黎試下。刺身都幾新鮮，我特別喜歡個牡丹蝦同帶子，當然要encore啦。依度仲有我必食嘅左口魚壽司，又點可以錯過呢，入口充滿魚油香，的確不錯。燒物方面，雞翼係不可或缺架，師傅用心喺面前燒，見到都流口水。厚切牛舌燒到剛剛好，完全唔會韌，正！依度仲有蟹膏炒飯食呀！炒飯粒粒分明，再配上香濃嘅蟹膏，連好少放題食炒飯嘅我都食多兩啖。