影片
更多
2024-08-08
246 瀏覽
之前聽朋友推薦過呢間餐廳，感覺係串燒界都小有名氣，今次幫襯荃灣店，發現座位都算幾多，同朋友聚餐感覺唔錯。燒肉類：鹽燒赤雞頸肉($22)、鹽燒豚肉荔枝卷($22)、新鮮手切牛胸爽($22)、厚切鹽燒牛舌拖羅($48)、鹽和牛牛小排($48)、鹽燒A4宮崎和牛($58)、鹽燒開邊雞中翼（兩隻）($20)。燒肉款主要集中揀牛肉同推介之類，個人覺得最特別嘅係夠晒厚身同軟韌嘅牛舌、肉汁juicy嘅牛小排、富牛脂香但唔太油膩嘅牛胸爽同果香荔枝卷。海鮮類：日式燒白鱔($48)、雞皮墨魚滑($38)，大推呢兩款，白鱔好香魚鮮同油香；彈牙墨魚滑加埋雞皮多份雞油脂香。小食：蟹膏燒飯團($38)、牛油蜜糖日本蕃薯條($38)、焦糖青蘋果鵝肝多士($108)。呢三款都係唔錯嘅小食，燒飯團有好多飯焦位，蟹膏都幾澎湃；蕃薯條幾重牛油香，有埋切片牛油一齊上碟；鵝肝絕對係重點推介，必食！下次再食應該會叫多一份，肉質好厚身軟熟，配埋黑醋、青蘋果同牛油包好夾，食完成塊都不覺油膩。蔬菜類：孜然燒蒜蓉茄子($36)、牛油蜜糖粟米($20)。燒茄子幾大份，蒜蓉味好重手同入味；提提大家點之前要注意！一份粟米原來並非切粒版，而係原
燒肉類：鹽燒赤雞頸肉($22)、鹽燒豚肉荔枝卷($22)、新鮮手切牛胸爽($22)、厚切鹽燒牛舌拖羅($48)、鹽和牛牛小排($48)、鹽燒A4宮崎和牛($58)、鹽燒開邊雞中翼（兩隻）($20)。燒肉款主要集中揀牛肉同推介之類，個人覺得最特別嘅係夠晒厚身同軟韌嘅牛舌、肉汁juicy嘅牛小排、富牛脂香但唔太油膩嘅牛胸爽同果香荔枝卷。
海鮮類：日式燒白鱔($48)、雞皮墨魚滑($38)，大推呢兩款，白鱔好香魚鮮同油香；彈牙墨魚滑加埋雞皮多份雞油脂香。
小食：蟹膏燒飯團($38)、牛油蜜糖日本蕃薯條($38)、焦糖青蘋果鵝肝多士($108)。呢三款都係唔錯嘅小食，燒飯團有好多飯焦位，蟹膏都幾澎湃；蕃薯條幾重牛油香，有埋切片牛油一齊上碟；鵝肝絕對係重點推介，必食！下次再食應該會叫多一份，肉質好厚身軟熟，配埋黑醋、青蘋果同牛油包好夾，食完成塊都不覺油膩。
蔬菜類：孜然燒蒜蓉茄子($36)、牛油蜜糖粟米($20)。燒茄子幾大份，蒜蓉味好重手同入味；提提大家點之前要注意！一份粟米原來並非切粒版，而係原條上。而論味道，粟米算燒得幾juicy，如果係切粒版相信牛油味會再突出啲。
甜品：柑桔咸蛋黃卷($28)幾得意，第一次見呢種配搭嘅甜品，炸得幾酥脆，夾心有柑桔肉同咸蛋黃，幾重甘味。
飲品：即打士多啤梨乳酸($28)、冷泡白桃烏龍茶($18)。兩杯飲品都唔錯，前者酸甜開胃，有少少沙冰感；後者甜度極低，茶香中帶有白桃清香，低糖愛好者可以點，幾解膩。
張貼
