初心冰室 (已結業)

今日約左三五知己，黎旺角街頭做搵食飯團。依兩年冒起左好多以冰室做名義既餐廳，其實係港式西餐。（姐係茶餐廳🤣） 係附近兩條街都有起碼兩三間冰室，芸芸當中吸引到我地既，就係呢間“初心冰室”啦！見個名咁特別，而且又有甜品食，岩哂我地一班人坐低食野傾下計。餐廳既內在設計係懷舊及現代元素兼有。卡位枱上係五顏六色既仿磚。牆上有句標語，“願你我不忘初心”，岩哂大家打卡！呢到晚餐set係送餐湯加一般野飲既，我地一共嗌左3個晚餐set。酥皮忌廉 湯包，唔錯。扒大菇露荀忌廉意大利飯（$88）話明扒大菇，當然主角菇就大大舊啦！配上露荀，就可以減輕白汁既膩感。卡邦尼煙肉蘑菇蛋汁意大利粉（$68)個汁幾香甜，我忍唔住趁朋友們傾得興高采列既時候係咁夾黎食🤭香草芥末籽燒紐西蘭牛扒配意粉( $98)份扒係配搭一隻類似喼汁既汁。前面食既菜式都比較偏向cafe風，而呢個菜式就真係港式風味啦！不過扒略嫌肥左少少，意粉亦可能因為無用汁煮，比較寡。建議大家配飯可能比較好。食完晚餐set之後，繼續有沿沿不絕既話題，於是我地又叫左：煎鵝肝意大利飯（$98）估唔到一間冰室竟然有鵝肝食。係真係有鵝肝架，而且成碟飯都充滿鵝肝味，好香濃。