影片
更多
2008-06-23
38 瀏覽
一間師傅想黎左好耐嘅食店, 可惜遲遲都未得閒黎, 終於早幾日黎左呢度一試, 感覺係......早一日先至打電話黎訂枱, 幸好仍然有位, 否則又唔知要等到幾時先黎喇! 於是兩個人準時到達, 侍應安排入坐, 坐底後師傅即刻睇下有咩好食, 再商量左一陣先就落單, 當然師傅一定要試下呢間食店嘅首本名菜, 所以柯打呢客金船長芝士漢堡包, 仲有金船長小食拼盤, 一客自算車仔意粉, 再跟餐, 一個加廿蚊配餐湯同餐飲, 另一個加三十就配餐湯同特飲, 最後經侍應嘅提醒再柯打定甜品心太軟朱古力布丁!等左一陣餐湯係首先登場, 餐湯要左一紅一白, 紅嘅係雜菜湯, 白嘅後周打海鮮湯! 賣相相當精美, 餐湯嘅碟邊伴住一塊少少嘅蒜蓉包; 而雜菜湯味道係酸酸地, 幾開胃惹味, 而料亦十足, 正呀; 周打海鮮湯嘅忌廉好多加上好濃奶味, 喜歡奶嘅朋友必定鍾意, 料亦甚多不過師傅冇試到, 所以不便評論; 而蒜蓉包就唔夠脆, 不過好鬆軟, 蒜蓉份量不多不少, 唔錯!接住就係金船長小食拼盤, 拼盤有焗蜜糖雞中翼, 炸手指魚柳, 炸咖喱角同埋炸洋蔥圈! 焗蜜糖雞中翼有三件, 係焗到熱辣辣而皮係脆卜卜, 加上蜜味好夠, 咬落啲肉
早一日先至打電話黎訂枱, 幸好仍然有位, 否則又唔知要等到幾時先黎喇! 於是兩個人準時到達, 侍應安排入坐, 坐底後師傅即刻睇下有咩好食, 再商量左一陣先就落單, 當然師傅一定要試下呢間食店嘅首本名菜, 所以柯打呢客金船長芝士漢堡包, 仲有金船長小食拼盤, 一客自算車仔意粉, 再跟餐, 一個加廿蚊配餐湯同餐飲, 另一個加三十就配餐湯同特飲, 最後經侍應嘅提醒再柯打定甜品心太軟朱古力布丁!
等左一陣餐湯係首先登場, 餐湯要左一紅一白, 紅嘅係雜菜湯, 白嘅後周打海鮮湯! 賣相相當精美, 餐湯嘅碟邊伴住一塊少少嘅蒜蓉包; 而雜菜湯味道係酸酸地, 幾開胃惹味, 而料亦十足, 正呀; 周打海鮮湯嘅忌廉好多加上好濃奶味, 喜歡奶嘅朋友必定鍾意, 料亦甚多不過師傅冇試到, 所以不便評論; 而蒜蓉包就唔夠脆, 不過好鬆軟, 蒜蓉份量不多不少, 唔錯!
接住就係金船長小食拼盤, 拼盤有焗蜜糖雞中翼, 炸手指魚柳, 炸咖喱角同埋炸洋蔥圈! 焗蜜糖雞中翼有三件, 係焗到熱辣辣而皮係脆卜卜, 加上蜜味好夠, 咬落啲肉又好嫩好滑, 勁好味; 炸手指魚柳都有四條, 又係炸到又熱又脆, 手指魚柳非常鬆軟, 係好好味; 而炸咖喱角就有三件, 炸得好脆, 不過咖喱唔香仲有少少苦, 一般啦; 呢個三四三嘅配搭真係冇得頂; 炸洋蔥圈師傅冇試到, 皆因一向都唔食洋蔥!
再黎唔好比佢停, 就試下佢個首本名菜金船長芝士漢堡包, 落單時侍應問個包嘅牛肉要幾成熟, 師傅好好奇問通常要幾成熟, 而侍應話通常建議客人要七成, 於是師傅就乖乖咁要左七成; 當見到個金船長芝士漢堡包, 簡直令師傅興奮莫名, 大大個金船長芝士漢堡包, 厚厚嘅牛肉, 勁香加上肉汁勁多, 配埋厚切蕃茄, 鬆軟嘅漢堡包, 夠晒醒胃! 仲有薯條熱辣辣加上薯味十足, 真係好好味, 冇得頂!.
自選車仔意粉就要左意大利粉配茄汁及巴麻臣芝士, 配料要左芝華力腸同煙三文魚, 簡簡單單; 車仔意粉份量唔算多, 係煙三文魚咸左少少, 不過味道及賣相一流, 好正!
甜品心太軟朱古力布丁, 內裡嘅朱古力在半溶狀態, 熱的心太軟朱古力蛋糕同埋有一個雲尼拿雪糕球, 係朱古力甜左少少! 而餐飲就柯打左一杯凍檸檬茶同一杯特飲薄荷浮冰, 凍檸檬茶茶味都幾夠, 可以; 而薄荷浮冰就麻麻, 皆因薄荷幾濃, 好苦唔吸引!
總括而言食物質素相當出色, 真係食得過, 雖然地方唔算太大, 但環境舒服, 服務態度令人滿意, 加上價錢唔算貴, 埋單連加一都唔使二百七, 一人都唔使百四, 都幾抵食! 師傅對於初會金船長印象難忘, 有機會一定會再黎, 笑臉係諗唔到點解唔比囉!
張貼
