嚐越 (已結業)

之前行經千色匯，見到呢間餐廳裝修唔錯，係我鍾意既類型，一路都無望真呢間係咩餐廳，今日見到原來係嚐越又見有下午茶就入去食。呢個脆魚餅撈檬，其實味道唔錯，夠凍之餘將所有料撈埋一齊，幾多顏色，引人食慾，略嫌油左小小，可能炸魚餅既關係。呢個鮮蝦米卷唔錯，建議一口食晒，因為咬開左一半食，會散開晒，食相無咁好睇佢有個好處金不換唔多，最怕食到勁多金不換，成口都係個陣味。個皮又夠煙un, 清清地唔錯！！黎個重口味烤乳豬，白色個堆係酸白蘿白絲，綠色個堆係薑蔥。薑蔥應該其他調味料，我淨係估到有香葉，蒜蓉，檻欖油，幾香，平衝到乳豬膩感，不過隻乳豬仔真係肥過頭。有蘿白絲都唔掂。埋單個陣，侍應都有問我地隻乳豬肥唔肥，佢話供應商供貨品質唔穩定，公司會再搵其他供應商。有樣抵讚係，佢肉厚既乳豬都整到勁嫩口，食食下食到香茅味，有豬肉鮮味到甜品，好不幸芒果係酸既，又食唔慣紫糯米，但佢綠色個個椰漿整得好香，唔錯。