牛皇阿莫 (已結業)

講到牛肉，除咗廚師，有邊個會夠牛肉賣手熟吖？呢間新開嘅火鍋店其中一位老闆就係有35年牛肉批發零售資歷，喺行內有牛肉大王之稱嘅莫景雄。直接入貨嘅山東騸牯牛可想而知有幾優質新鮮，所以唔單止有各款刁鑽部位，連牛肉刺身都有供應。牛肉推介方面，牛頸脊同牛𦟌等當然係必試，特別介紹埋坑腩爪，賣相唔算靚而且要烚半個鐘，但呢個肋骨之間嘅肉入口煙韌得嚟又有濃郁牛香。