十二味巴蜀江湖菜 (已結業)

朋友話想食辣,但香港九龍新界的出名食辣的,都比我地試得7788。經過十二巴蜀好多次都冇試過,決定約齊4個辣精試一試。大家都喜歡辣,又鐘意食海鮮,先叫了小龍蝦,蟹,辣子雞。小龍蝦相比我過往食過的差好遠,太細冇肉辣子雞夠辣但唔夠香,一般。蟹就不錯,又香又辣食完唔夠飽,侍應推介了鴨咀鱘呢個餸救返成餐飯味道又辣又香之外,魚滑鮮嫩。四個人立即唔傾計,爭住食原本成餐都一般般,都未必會再黎,但為左呢條鴨咀鱘，我會再黎。