Ebeneezer's Kebabs & Pizzeria (已結業)

今晚我們喺尖沙咀見完客之後，咁啱喺街撞見個朋友，而佢又未食飯，所以就決定一齊食，佢同我們介紹話喺亞士厘道有間中東菜餐廳叫「Ebeneezer’s Kebabs & Pizzeria」嘅咖哩好正，所以我們就去咗食晚飯！由於佢食過好多次知道邊啲係好食，所以今次係佢負責點餐！我們叫咗鷄肉卡巴嘅餅皮質感好煙煙韌韌，鷄肉嘅肉質都幾嫩滑，而且份量非常足料，除咗鷄肉之外，其他嘅餡料仲有生菜、蕃茄同洋蔥等等等等⋯⋯令到口感更加豐富，兼且唔會有好油膩嘅感覺！燒鷄肉薄餅嘅賣相好色彩繽紛吸引，餅底嘅厚度適中，質感都幾鬆軟，但批邊就比較硬身！咖哩羊肉飯「大辣」同咖哩魚肉飯「小辣」嘅咖哩汁非常惹味濃郁，雖然有「大辣」同「小辣」之分，但都一樣有好香濃嘅椰汁香味，羊肉雖然有好濃烈嘅膻味，但唔會覺得難食，魚肉嘅肉質相當嫩滑，而且份量都幾多，至於米飯嘅質感就比較硬身，但都幾煙韌！