功德林上海素食 (已結業)

適逢今天朋友係食斋既,本人非素食者,久唔久食下斋菜都唔錯.都唔知道沙田有呢間叫做功德林既斋菜館,聽個名都已經好有意思,功德無量.原來間野好旺場,係要訂位先有得食,好在朋友預先訂但位,6:30去到都仲要等一陣.甘早已經坐滿囇人,真係好多人食斋.未食過斋.當然係由朋友發板.蓮藕炒脆肉瓜簡單清淡,油不多,符合斋菜既要求,但本人就真係覺得無味菠蘿咕嚕肉,賣相好似,味道反而比猪肉做既更好食,因為真既咕嚕肉係好肥既,咬落去啖啖油,每次叫都係因為想食佢甜甜酸酸既汁,今次呢個令我覺得幾好食,係我響甘多碟送入面食得最多既.糖醋松子魚$98外型整得幾好,頭尾用冬蘑整既,遠睇都呃到人,味道就無咕嚕肉甘好多.上海炒年榚味道一般,可能因為斋既關係,我覺得好淡係無味既.干煸四季豆.最一個送,香味係有既,食落去都係淡.整體上來講,個人除佐個咕嚕肉係覺得OK既,其他菜都係普通而且淡,中意食斋既朋友認為一般般.因為食物味道不突出同吸引,價錢又偏貴.佢話以前既功德林係幾好既,而家水準真係下滑佐不少,不過中意食清淡既朋友都可以一試.